Kusinda kwehlela ngamanzi nogesi eGoli
Izakhamizi zaseGauteng zithwele kanzima njengoba zicishelwa ugesi nsuku zaphuma, kuphinde kube nzima nokuthi zithole amanzi. Izindawo ezibhekene nalobunzima iTshwane nase-Ekurhuleni. Kuvela ukuthi iRand Water isebenzisa imikhawulo yeSigaba sesibili eziteshini zokumpompa amanzi ezintathu. Sekuphele izinyanga imiphakathi eminingi ilwa nokunqanyulwa kwamanzi. Izindawo ezimbalwa eGoli zizovalelwa amanzi unomphela.
Emasontweni amabili edlule, ukusetshenziswa kwamanzi kwenyuke kakhulu, okubangele ukwehla kwamandla okugcina amanzi asuka kuma-52% aya kuma-38%.IJoburg Water ithi le mikhawulo iqinisekisa ukuthi umthamo wokugcina ubuyiselwa kuma-60%.
Okhulumela iJoburg Water, uPuleng Mopeli uthi: “IDolobha laseGoli laziswa yiRand Water, okuyinkampani ehlinzeka ngamanzi, ngokuqala kweSigaba sesibili sokusabalalisa amanzi. Ngenxa yokwanda kwesidingo samanzi, amandla okugcina amanzi eRand Water ehlile esuka kuma-52% aya kuma-38%. Isimo siyaphoqa ukuthi kuthunyelwe amakhilomitha athize kubantu abawaswele kakhulu ezindaweni ezahlukene zaseGoli. Umphumela uwukunciphisa ukusetshenziswa okuphezulu kwamanje nokubuyisela amandla ku-60%” kusho uMopeli.
IWestdene iyona indawo ehamba phezulu ngokuba ingawatholi amanzi. Sekuphele amasonto amabili izakhamuzi zingawatholi amanzi, kwenzeka lokho kunzima kweminye imindeni ukuthi iphile ngamanzi athengwayo uma befuna ukuphuza. Esinye sezakhamuzi sithe: ” Emasontweni edlule abevulwa aphinde avalwe, silinde kube iphakathi nasebusuku siwathola bese kusile awasekho. Zona lezi zinsuku ezedlule zibe nzima kakhulu kuthina. Ngikhuluma nje indlu yangasese siyihlanga ngamanzi eswimming pool. Sekuphele kwawona, amabhakede awalutho. Asazi ngempela ukuthi kumele senzeni. Esikudingayo amanzi, kuphela siwadinga ngokushesha” kusho isakhamuzi.
Nasezibhedlela yiso leso, kunenkinga kagesi nawo amanzi. Kodwa kukwazile ukuthi kulekelelwe izibhedlela ezithize ngamanzi alinganiselwa kumalitha ayizinkulungwane eziyisishiyagalombili. Lezo zibhedlela iHelen Joseph, iRahima Moosa kanye nePholosong okuyisibhedlela esiseku-Ekurhuleni.