Asefikile amasosha aseRwanda eMozambique
UMengameli waseMozambique, uFilipe Nyusi, ukuqinisekisile ukufika kwamasosha asuka eRwanda azokweseka impi yokulwa nokuhlasela kwamaphekula eCabo Delgado. Lesi sifundazwe besilokhu silwa nemibhikisho kusukela ngoMfumfu wezi-2017.
Lesi simo noma isenzo esenzeke kamuva sokufika kwamasosha asamukelwanga kahle, ikakhulukazi ngoba iSouthern African Development Community (SADC) bekufanele ibe ngowokuqala ukusebenzisa amasosha ayo ngokuhlanganyela. Kodwa-ke, uNgqongqoshe Wezokuvikela eMozambique, uJaime Neto, uyaphika ukuthi lesi sinyathelo senzelwe ukunciphisa imizamo yokungenelela kweSADC.
“Ezingeni longqongqoshe, kungenzeka singabi nayo njalo imininingwane ephathekayo ngalokhu osekusetshenzwe ngakho kodwa iCabo Delgado iyisifundo esihloniphekile sezinhloko zemibuso ezingeni lesifunda seSADC futhi kusobala ukuthi ezingeni lethu kukithi ukuthatha izinqumo ngokubonisana lokho kwenzeke ezingeni lezinhloko zombuso,” kusho uNeto.
Ngempelasonto ngesonto eledlule, iNingizimu Afrika iyiphikile imibiko yokushuba kwesimo phakathi kwaleli lizwe nezwe elingumakhelwane wayo iMozambique. UNgqongqoshe Wezokuvikela eNingizimu Afrika uNosiviwe uKaMapisa Nqakula ukuqinisekisile ukuthi umbutho wezwe uzoba phakathi kwamabutho ezokuphepha eSADC azobe enikeza ukwesekwa kubantu baseMozambique.
“Umhlangano weSADC wahlangana futhi kwathathwa isinqumo esanikeza igunya emabuthweni ethu ukuba athuthele ezweni iMozambique futhi ayoxhasa abantu baseMozambique. Ngakho-ke noma ngabe iMozambique ibizoba nenkinga yini neNingizimu Afrika engingayazi. Yebo ngiyabazi abanye babantu ababoshwe eMozambique nokuthi lolu daba luhambe kanjani, ”kusho yena.
